ព័ត៌មានបឋម! មានអ្នកស្ល-ា.ប់ ១០ នាក់ និង របួស ៣០ នាក់ ក្នុងករណីភ្លើងឆេះកាស៊ីណូនៅប៉ោយប៉ែត

កាលពីយប់ថ្ងៃទី ២៨ ខែធ្នូ ឆ្នាំ ២០២២ កន្លងទៅមានករណីអគ្គិភ័យមួយនៅម៉ោង ១១ និង ៣០ នាទី ហើយបើយោងតាមការបញ្ជាក់របស់ឧត្ដមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យបានថា យ៉ាងហោចណាស់មានមនុស្ស ១០ នាក់ត្រូវបានរកឃើញស្លាប់ និង ៣០ នាក់ទៀតរងរបួស ក្នុងករណីអគ្គិភ័យឆាបឆេះកាស៊ីណូហ្រ្គេនដាយមិននៅក្នុងភូមិ ប៉ោយប៉ែត សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។

គួរបញ្ជាក់ដែរថា អគារកាស៊ីណូនេះមានបុគ្គលិកបម្រើការប្រុសស្រីប្រមាណជាង ៤០០ នាក់ ប៉ុន្តែការខូចខាតនេះ នៅមិនទាន់អាចវាយតម្លៃបានឡើយ ហើយក្នុងប្រតិបត្តិការនេះ កម្លាំងសមត្ថកិច្ចបញ្ជាផ្ទាល់មាន ៣៦០ នាក់ រថយន្តពន្លត់អគ្គិភ័យ ១១ គ្រឿង ហើយសមត្ថកិច្ចក៏បានបញ្ជូនជនរងគ្រោះទៅមន្ទីរពេទ្យ និង បន្តរុករកជនរងគ្រោះបន្តទៀត៕

ប្រភព៖ FRESH NEWS