ហ្វេនឃើញហើយរំភើប និយាយមិនចេញ ទេព បូព្រឹក្ស តាមទៅលើកទឹកចិត្ត ជី ដេវីត យ៉ាងពេញទំហឹងបែបនេះ

ភ្នំពេញ៖ ពិតណាស់ សព្វថ្ងៃគេក្រឡេកឃើញថា ជីវិគូស្នេហ៍របស់ តារាចម្រៀងស្រីកញ្ញា ទេព បូព្រឹក្ស កាន់តែផ្អែមល្ហែមឡើងជាលំដាប់ ជាមួយនឹងសកម្មភាពដ៏មានក្ដីសុខជាច្រើនរវាងនាង និងគូស្នេហ៍បណ្ដូលចិត្តលោក ជី ដេវីត ដែលតែងតែលើកយកមកបង្ហាញជូនឲ្យហ្វេនៗបានទស្សនានៅលើបណ្ដាញសង្គម។

ជាពិសេស កាលពីថ្មីៗនេះ ទេព បូព្រឹក្ស បានបង្ហាញខ្លួនគាំទ្រក្នុងកម្មវិធី ព្រឹត្តិការណ៍បិទការប្រកួតកីឡាជាតិលើកទីបី និងកីឡាជនពិការលើកទី១ ក្នុងនាមជាអ្នកមកលើកទឹកចិត្ត ដៃគូគឺ លោក ជី ដេវីត ដែលបានលើកយកផ្ទាំងទស្សនីយភាពដ៏អស្ចារ្យ ក្នុងបទ«Top Of The Lady» ។

ទន្ទឹមនឹងនេះ រូបភាពក៏ដូចជា វីដេអូជាច្រើន ត្រូវបានចែកចាយលើបណ្ដាញសង្គម ថែមទាំងត្រូវបានហ្វេនៗរំភើចិត្តជាខ្លាំង ក្រោយពីបានឃើញ សកម្មភាពស្រែកហូរ របស់ ទេព បូព្រឹក្ស នៅពេលដែល លោក ជី ដេវីត ចេញមកសម្ដែង ដែលមើលទៅជាកម្លាំងចិត្តដ៏ធំធេងរបស់ លោក ជី ដេវីត តែម្ដង។

សូមទស្សនារូបភាពខាងក្រោម៖