ត្រៀមអាវរងាផង! ចាប់ពីស្អែក ខេត្តទាំងនេះ នឹងចុះត្រជាក់នៅពេលព្រឹក ជាង ១០ អង្សា

ក្រសួងធនធានទឹក និងឧតុនិយម នៅព្រឹកថ្ងៃទី ០១ ខែវិច្ឆិកា ឆ្នាំ ២០២២ បានចេញសេចក្តីជូនដំណឹង ស្ដីពីស្ថានភាពធាតុអាកាស ចាប់ពីថ្ងៃទី ២ ដល់ថ្ងៃទី ៨ ខែវិច្ឆិកា ឆ្នាំ ២០២២ ឱ្យបានដឹងថា ក្នុងអំឡុងមួយសប្តាហ៍ខាងមុខនេះ កម្ពុជា នឹងទទួលឥទ្ធិពលពីទ្រនុងសម្ពាធខ្ពស់ (ប្រទេសចិន ) និងខ្យល់បក់មកពីទិសឦសាន។

ស្ថានភាពបែបនេះនឹងធ្វើឱ្យ ៖

 

 

១. តំបន់ទំនាបកណ្តាល

– សីតុណ្ហភាពអប្បបរមា មានពី ២១-២៣ °C

– សីតុណ្ហភាពអតិបរមា មានពី ៣១-៣៣ °C

– មិនមានភ្លៀងធ្លាក់ ។ បើមានក៏តិចតួចតែប៉ុណ្ណោះ ។

២. តំបន់ខ្ពង់រាប

– សីតុណ្ហភាពអប្បបរមា មានពី ២០-២២ °C

– សីតុណ្ហភាពអតិបរមា មានពី ៣០-៣២ °C

– មិនមានភ្លៀងធ្លាក់ ។ ចាប់ពីថ្ងៃទី ២-៤ ខែវិច្ឆិកា ធាតុអាកាសនឹងអាចចុះត្រជាក់នៅពេលព្រឹក នៅបណ្តាខេត្តមួយចំនួនមាន ៖ ខេត្តមណ្ឌលគិរី រតនគិរី ព្រះវិហារ និងខេត្តឧត្តរមានជ័យ ដោយសីតុណ្ហភាព អប្បបរមាមានពី ១៧-១៨ °C។

៣. តំបន់មាត់សមុទ្រ

– សីតុណ្ហភាពអប្បបរមា មានពី ២១-២៣ °C

– សីតុណ្ហភាពអតិបរមា មានពី ៣១-៣៣ °C

– មិនមានភ្លៀងធ្លាក់។ បើមានក៏តិចតួចតែប៉ុណ្ណោះ៕

សូមអានសេចក្ដីប្រកាសរបស់ក្រសួងនៅខាងក្រោម ៖