ធ្លាប់តែស្លៀកពាក់សម្លៀកបំពាក់សម័យ ដល់ពេលឃើញ ស៊ឹម ចាន់ពន្លឺ ស្លៀកឈុតបុរាណម្ដង សង្ហាមិនអន់នោះទេ

ភ្នំពេញ៖ គ្រាន់តែនិយាយដល់ឈ្មោះ ស៊ឹម ចាន់ពន្លឺ ប្រិយមិត្តជាច្រើនប្រាកដជាបានស្គាល់។ ដោយលោកជាបេក្ខភាពប្រកួតចម្រៀងក្នុងកម្មវិធី Cambodian រដូវកាលទី៤ ជាប់ក្នុងចំណោមTop4។ ពិតណាស់ មុននឹងឈានដល់ការប្រកួតនៅក្នុងកម្មវិធីមួយនេះរូបលោកក៏ធ្លាប់បានប្រកួតចម្រៀងនៅក្រៅប្រទេសក្នុងកម្មវិធីមួយ ជាប់ឈានដល់ Top៧នាក់ចុងក្រោយផងដែរ។

យ៉ាងណាមិញ ក្រៅពីអាជីពជាតារាចម្រៀង គេដឹងផងដែរថាលោក ស៊ឹម ចាន់ពន្លឺ គឺជាគ្រូពេទ្យម្នាក់។ ជាមួយគ្នានេះដែរ បើងាកមើលរូបសមប្បត្តិលោកគ្រូពេទ្យកំលោះរូបនេះគឺ ស្អាត សង្ហារាយមន្តស្នេហ៍ដាក់ហ្វេនៗឲ្យលង់នឹងរូបលោកមិនតិចនាក់នោះទេ។ ជាពិសេសការរៀបចំខ្លួនមើលទៅសាកសមជាតារាចម្រៀងអាជីពពិតៗតែម្ដង មិនថាស្ទាយ៍សម្លៀកបំពាក់ ឬម៉ូតសក់នោះទេ។

ជាក់ស្ដែង ថ្មីៗនេះលោក ស៊ឹម ចាន់ពន្លឺ បានទទួលថតសំអាងការ ព្រមទាំងបានស្លៀកឈុតប្រពៃណីកូនកំលោះ មើលទៅពិតជាជះរាងសង្ហា ខណៈមិនធ្លាប់បានឃើញលោកស្លៀកឈុតកូនកំលោះពីមុនមកឡើយ។ ក្រោយហ្វេនបានឃើញលោកគ្រូពេទ្យសង្ហារូបនេះស្លៀកឈុតកូនកំលោះ ពួកគេបានពោលពាក្យសរសើរមិនដាច់ពីមាត់គ្រប់ៗគ្នា៕

ប្រភពរូបភាព៖ Virak Nano

សូមទស្សនារូបភាពខាងក្រោម៖