ផ្ទុះការចែករំលែក! វីដេអូគំនូរ Animation របស់តារាចម្រៀងរ៉េប វណ្ណដា និង ជី ដេវីដ ដែលជាស្នាដៃយុវជនខ្មែរមួយរូប

ថ្មីៗនេះ មហាជនអ្នកលេងបណ្តាញសង្គមហ្វេសប៊ុកជាច្រើនកំពុងតែផ្ទុះការចែករំលែកវីដេអូគំនូរ Animation របស់តារាចម្រៀងរ៉េប វណ្ណដា និង តារាចម្រៀងរ៉េប ជី ដេវីដ ដែលជាស្នាដៃយុវជនខ្មែរមួយរូបមានគណនីហ្វេសប៊ុកឈ្មោះថា Bong Vathana ។

ឃ្លីបវីដេអូដែលបានគូររូបតារាចម្រៀងរ៉េបខាងលើជា Animation ដោយយុវវជន Bong Vathana នោះ មិនត្រឹមតែស្អាតទាក់ភ្នែកនោះទេ តែលោកក៏បានផលិតចេញជាវីដេអូមានអមនឹងចម្រៀងច្រៀងប្រគំដោយចាប៉ីដងវែងថែមទៀតផង។

វីដេអូនោះដែរ បង្ហោះមិនបានដល់ ២៤ ម៉ោងផង ក៏មានអ្នកចែករំលែកនៅក្នុងហ្វេសប៊ុកប្រមាណ ១៨១ K និង​ មានអ្នកចូលទៅបញ្ចេញមតិសរសើរដល់ស្នាដៃយុវជន Bong Vathana យ៉ាងខ្លាំងទៀតផង៕