គ្រប់គ្នាសម្តែងការត្រេកអរព្រោងព្រាត ពេលឃើញ លោកតាវិចទ័រ បង្ហាញមុខចៅទី១ ពេលនេះ វ៉ាន់ នីឡា ចេញមកបញ្ជាក់ហើយថា…

គ្រប់គ្នាប្រាកដជាបានស្គាល់រួចមកហើយ ពីវត្តមានអ្នកដឹកនាំក្រុមកំប្លែងដ៏ល្បីឈ្មោះ លោក សុវណ្ណ ឬទ្ធី ហៅលោកតាវ៉ិចទ័រ ត្រូវជាឪពុកបង្កើតរបស់តារាកំប្លែងវ័យក្មេង និងជាអ្នកលក់ផលិតផលតាមអនឡាញដ៏ល្បីឈ្មោះ អ្នកនាង វ៉ាន់ នីឡា ដែលបានបញ្ចប់ភាពនៅលីវ កាលពីប៉ុន្មានខែ បានចូលរោងការជាកំលោះសង្ហាម្នាក់។

នៅក្នុងពិធីរៀបការរបស់ វ៉ាន់ នីឡា និងស្វាមី ពិតជាមានភាពអធិកអធមខ្លាំងណាស់ ដោយក្នុងនោះមានការចូលរួមពីសំណាក់ ថ្នាក់ដឹកនាំ លោក ជំទាវ ហ៊ុន​ ស៊ីណាត សិល្បករ សិល្បការិនី និង មិត្តភក្តិ និងហ្វេនៗលេងបណ្តាញសង្គមហ្វេសប៊ុក បានចូលរួមជូនពរគ្រប់ៗគ្នា។

ជាក់ស្តែងក្រោយពេលរៀបការមិនប៉ុន្មានខែផង តារាកំប្លែងស្រីរូបនេះ ក៏បានប្រកាសដំណឹងល្អបានតាមបណ្តាញសង្គម ឲ្យពុកម៉ែបងប្អូនបានជ្រាបថា ពេលនេះ​ អ្នកនាង កំពុងតែពពោះ កូននៅក្នុងផ្ទៃ ជាហេតុធ្វើឲ្យអ្នកគាំទ្រ មានការសប្បាយរីករាយ ជាខ្លាំងពេលបានទទួលដំណឹងមួយនេះ។

បើគិតមកដល់ពេលនេះ អ្នកនាង វ៉ាន់ នីឡា ក៏កាន់តែគៀកថ្ងៃសម្រាលកូនហើយ ស្រាប់តែគេសង្កេតឃើញថា នៅលើបណ្តាញសង្គមហ្វេសប៊ុក លោក តាវ៉ិចទ័រ បានបង្ហោះរូបភាព ចៅទី១ ដែលជាហេតុធ្វើឲ្យអ្នកគាំទ្រ សម្តែងការរំភើប គ្រប់គ្នា។ លោក តាវ៉ិចទ័រ បានបង្ហោះសារថា ខែ09ឆ្នាំ2022នេះ ខ្ញុំបានចៅពីរនាក់ ។នេះគឺរូបចៅទី1 ចៅៗសំណាងណាស់ បានកើតលើទឹកដីសន្តិភាព”។

ក្រោយពេលបានឃើញដូចនេះ បងប្អូនជាច្រើន បានសម្តែងការរីករាយ និង អបអរ ដោយម្នាក់ៗស្មានតែជាកូនរបស់តារាកំប្លែង វ៉ាន់ នីឡា ដល់ពេលម្ចាស់សាមីខ្លួនចេញមកបញ្ជាក់ ។ ជាមួយគ្នានោះ តារាកំប្លែង​ វ៉ាន់ នីឡា បានបង្ហោះសារថា “បងប្អូនច្រលំកូនខ្ញុំគ្រប់គ្នា រូបនេះក្មួយខ្ញុំទេចា”។