គ្រោះថ្នាក់ចរាចរណ៍ រវាងឡាននិងឡាន បុកគ្នា រួចចុះរត់គេចខ្លួនបាត់ ដោយទុករថយន្តនៅកន្លែងកើតហេតុ នៅកំពង់ស្ពឺ

កំពង់ស្ពឺ ៖ ករណីគ្រោះថ្នាក់ចរាចរណ៍មួយបានកើតឡើង នាម៉ោងជាង៧ព្រឹក ថៃ្ងទី៣០ ខែសីហា ឆ្នាំ២០២២ នៅលើផ្លូវជាតិលេខ៤ ចន្លោះគីឡូម៉ែត្រ ៩៩-១០០ ត្រង់ចំណុចភូមិទី៦ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ រថយន្ត០១គ្រឿង ពណ៌ស ពាក់ស្លាកលេខពោធ៍សាត់ 3A-0748 សណ្ដោងរ៉ឺម៉ក ពាក់ស្លាកលេខ ភ្នំពេញ 4A-0586 អ្នកបើកបរមិនស្គាល់អត្តសញ្ញាណ ចុះរត់គេចខ្លួនបាត់ ដោយទុករថយន្តនៅកន្លែងកើតហេតុ។ បើកបរពីទិសខាងលិចទៅទិសខាងកើត មកដល់ចំណុចខាងលើបានបុកពីក្រោយរថយន្ត០១គ្រឿងម៉ាក MAZDA ពណ៌ស ពាក់ស្លាកលេខ ភ្នំពេញ 2AZ-4466 បើកបរដោយឈ្មោះ យួត ហេងប៊ុនណា ភេទប្រុស អាយុ២៥ រស់នៅភូមិអណ្ដូងទឹក ឃុំអណ្ដូងទឹក ស្រុកបុទុមសាគរ ខេត្តកោះកុង ក្នុងទិសដៅស្របទិសគ្នា៕