អាសូរណាស់ លោកអេីយ ឪពុកកូន២នាក់ស្លាប់ ខណៈឪពុកជិះម៉ូតូឌុបកូនប្រុសចេញពីសាលារៀនចិនត្រូវរថយន្តបុកទាំងកំរោល

ខេត្ត ព្រះសីហនុ ៖ ហេតុការណ៍ គ្រោះថ្នាក់ ចរាចរណ៍ មួយបានកេីតឡេីង រវាងម៉ូតូ នឹងរថយន្តដឹកដី បណ្តាលឱ្យស្លាប់ទាំងឪពុកនិងកូនប្រុសម្នាក់ ខណៈកំពុង បេីកម៉ូតូឌុបកូនប្រុសចេញពីសាលារៀនត្រឡប់ទៅផ្ទះវិញ កាលពីវេលាម៉ោង១១និង០០នាទីព្រឹក ថ្ងៃទី២៩ ខែសីហា ឆ្នាំ ២០២២ នៅចំណុចចំណោតផ្លូវរោងចក្រទឹកកក ម្តុំអូរ៣ ស្ថិតក្នុងភូមិ៥ សង្កាត់៤ ក្រុងព្រះសីហនុ ខេត្តព្រះសីហនុ ។

បើ យោង តាម ការបញ្ជាក់ ពីសាក្សីដែលឃើញហេតុការណ៍ ខាងលេីនេះ បានឱ្យដឹងថា មុនពេលកើតហេតុគេឃើញរថយន្តដឹកដីមួយគ្រឿង ពណ៌ស ពាក់ស្លាកលេខ កំពង់ស្ពឺ 3A-4500 បើកបរដោយបុរសម្នាក់មានទិសដៅពីផ្លូវជាតិលេខ៤ឆ្ពោះទៅអូរ៣ លុះមកដល់ចំណុចកើតហេតុរថយន្តជាន់ហ្វ្រ័ងមិនសុីសង្ស័យដាច់ហ្វ្រ័ង ក៏បានបុកគ្នាចំពីមុខជាមួយនឹងម៉ូតូមួយគ្រឿងម៉ាក Zoomer-x ពណ៌ស ពាក់ស្លាកលេខ ព្រះសីហនុ1G-7537 យ៉ាងពេញទំហឹងបណ្តាលឱ្យបុរសជាឪពុកស្លាប់ និងកូនប្រុសម្នាក់ស្លាប់ដូចគ្នា ។ចំណែកតៃកុងរថយន្តបានរងរបួសមធ្យម ត្រូវបានបញ្ជូនយកទៅសង្គ្រោះបន្ទាន់នៅមន្ទីរពេទ្យ ។

ដោយឡែក ជុំវិញករណីនេះដែរ មន្រ្តី នគរបាលចរាចរណ៍ផ្លូវគោកខេត្តព្រះសីហនុ បានឱ្យដឹងថា សពជនរងគ្រោះដែលជាឪពុកមានឋានន្តរស័ក្តិជា អនុសេនីយ៍ឯក ឈ្មោះប៊ួ រតនា អត្ថលេខ ៨១៦៦៩ មានតួនាទី នាយផ្នែកហ្វឹកហ្វឺន ពន្លត់អគ្គិភ័យ នៃស្នងការដ្ឋាននគរបាលខេត្តព្រះសីហនុ ។

ចំណែកសពកូនប្រុសមានឈ្មោះ គីន រៀនថ្នាក់ទី១ភាគ២ ភាសាចិន នៃសាលាកាងហ៊ួ បានស្លាប់ភ្លាមៗ នៅនឹងកន្លែង កេីត ហេតុ ។

ក្រោយកេីតហេតុ នគរបាលចរាចរណ៍ផ្លូវគោកខេត្តព្រះសីហនុ បានចុះជួយសម្រួលចរាចរណ៍ និងស្ទួចយកវត្ថុតាងទៅរក្សាទុករង់ចាំធ្វើការដោះស្រាយបន្តនៅពេលក្រោយ។ រីឯ សពជនរងគ្រោះទាំងពីរនាក់ បានប្រគល់ជូនក្រុមគ្រួសារសពយកទៅធ្វើបុណ្យតាមប្រពៃណី៕