លោក ឌួង ឆាយ ប្រកាសផ្តល់រង្វាន់លើកទឹកចិត្តបន្ថែមដល់ បេក្ខជន លីម តិចម៉េង ក្នុងទឹកប្រាក់មានចំនួនដល់ទៅ…
កម្សាន្ត ៖ ពិតណាស់ កម្មវិធីប្រឡងចម្រៀង Cambodia idol រដូវកាលទី ៤ ពេលនេះបានរកឃើញម្ចាស់ពានហើយគឺបានទៅលើបេក្ខជន លីម តិចម៉េង ដែលជាបេក្ខជនជើងខ្លាំងមួយរូបមកពីខេត្តកំពុងចាម ហើយការឈ្នះពានរង្វាន់នៅក្នុងកម្មវិធីលំដាប់ថ្នាក់ពិភពលោកនេះ គឺបានមកពីការបោះឆ្នោតពីសំណាក់មហាជនផងដែរ ។
យ៉ាងណាមិញដូចដែលពុកម៉ែបងប្អូនបានដឹងហើយថា បេក្ខជនទាំង៤រូបនៅក្នុងវគ្គផ្តាច់ព្រាត់នេះគឺសុទ្ធតែមានសមត្ថភាពខ្លាំងណាស់ទើបអាចឈានមកដល់វគ្គចុងក្រោយនេះបានប៉ុន្តែដោយសារតែមហាជនដែលជាម្ចាស់ឆ្នោត គាំទ្រនិងស្រឡាញ់ បេក្ខជន លីម តិចម៉េង ជាងទើបបោះឆ្នោតគាំទ្រឲ្យបេក្ខជន ខ្លួនតូចសម្លេងធំរូបនេះទទួលបានជ័យជម្នះតែម្តង ។
ស្រប់ពេលដែល បេក្ខជន លីម តិចម៉េង បានក្លាយជាម្ចាស់ពានរង្វាន់ Cambodia idol រដូវកាលទី ៤ មានមហាជនខ្មែរជាច្រើនបានអបអរសាទរ និងសម្តែងការពេញចិត្តយ៉ាងខ្លាំងដែលឃើញ អាយដលរបស់ខ្លួនលើកពាន នៅក្នុងនោះដែរសូម្បីតែ អ្នកជំនួញដ៏វ័យក្មេងម្នាក់គឺលោក ឌួង ឆាយ ក៏សប្បាយចិត្តខ្លាំងដែរហើយបានប្រកាសនៅលើបណ្តាញសង្គមថ្មីៗនេះ លោកនិងផ្តល់ប្រាក់រង្វាន់លើកទឹកចិត្តបន្ថែមដល់ បេក្ខជន លីម តិចម៉េង ក្នុងចំនួន ១ពាន់ដុល្លារ ។
ខាងក្រោមនេះជាសាររបស់លោក ដួង ឆាយបានបង្ហោះ ៖ « ខ្ញុំនឹងឧបត្ថម្ភថវិកា 1,000$ ជូនដល់ លីម តិចម៉េង ដែលជាអ្នក បុសខ្នុរ ស្រុកចំការលើ ខេត្តកំពង់ចាម ដែលមានជីវប្រវត្តិកំសត់ជាក្មេងគង្វាលនិងមានការតស៊ូ។ ខ្ញុំស្គាល់ផ្ទះ និងគ្រួសារតិចម៉េងដោយសារខ្ញុំធ្លាប់ជាអនុប្រធានក្រុមការងារគណៈពង្រឹងមូលដ្ឋានឃុំបុសខ្នុរ។ ឌួង ឆាយ» ៕
