អណ្ដាតភ្លើងកប់អាកាស កំពុងបន្តឆេះរាលដាលផ្ទះឈេីប្រក់ស័ង្កសី ដែលសង់ជាប់ៗគ្នា តាមបណ្ដោយផ្លូវរថភ្លេីង ទល់មុខក្រសួងការពារជាតិ
រាជធានីភ្នំពេញ ៖ ករណីអគ្គិភ័យកំពុងឆេះរាលដាលផ្ទះប្រជាពលរដ្ឋជាច្រេីនខ្នងយ៉ាងសន្ធោរសន្ធៅ ដែលផ្ទះនៅជាប់ៗគ្នាស្ថិតនៅតាមបណ្ដោយផ្លូវរថភ្លេីង តំបន់អភិវឌ្ឍន៍បឹងកក់ ទល់មុខក្រសួងការពារជាតិ ក្នុងសង្កាត់ស្រះចក ខណ្ឌដូនពេញ ព្រំប្រទល់ខណ្ឌទួលគោក នាម៉ោងជាង៦:៤៥នាទីព្រឹកថ្ងៃទី១០ខែធ្នូ ឆ្នាំ២០២១នេះ គេឃេីញរថយន្តពន្លត់អគ្គិភ័យជាច្រេីនគ្រឿង កំពុងចេញអន្តរាគមន៍ដល់កន្លែងកេីតហេតុជាបន្តបន្ទាប់ ។
ប្រភពពីកន្លែងកេីតហេតុបានអោយដឹងថា អណ្ដាតភ្លើងកប់អាកាសកំពុងបន្តឆេះរាលដាលផ្ទះដែលសង់ពីឈេីប្រក់ស័ង្កសី ដែលសង់ជាប់ៗគ្នានៅតាមបណ្ដោយផ្លូវរថភ្លេីង(កន្លែងកេីតហេតុខាងលេី)
គិតមកទល់ម៉ោង០៧:៣០នាទីព្រឹកថ្ងៃដដែលនេះ គេឃេីញមានរថយន្តពន្លត់អគ្គិភ័យជាច្រើនគ្រឿង បានមកដល់កន្លែងកេីតហេតុជួយអន្តរាគមន៍បាញ់ពន្លត់បន្តបន្ទាប់និងឃេីញកម្លាំងអាជ្ញាធរនិងសមត្ថកិច្ចខណ្ឌដូនពេញ កំពុងចុះជួយអន្តរាគមន៍សហការគ្នាពង្វ្រាងចរាចរណ៍ ដេីម្បីសម្រួលផ្លូវដល់រថយន្តពន្លត់អគ្គិភ័យចូលទៅខាងក្នុង ជួយអន្តរាគមន៍បាញ់ពន្លត់ភ្លេីង និងបាញ់ពន្លត់ទប់ស្កាត់ពីខាងក្រៅតាមជំនាញរបស់ក្រុមពន្លត់អគ្គិភ័យ ។ (បង ម៉េង)
