ទិកចិត្ត! អាកាសធាតុចុះត្រជាក់ តាំង គីមឡេង នាំក្រុមការងារយកអាវរងា ចែកជូនអ៊ំៗចាស់ៗអ្នកធាក់ស៊ីក្លូ និងអ្នកស្នាក់នៅតាមសំយាបផ្ទះគេ ដែលកំពុងត្រូវការភាពកក់ក្ដៅ
រាជធានីភ្នំពេញ ៖ អាកាសធាតុចុះត្រជាក់ អ៊ំៗចាស់ៗ អ្នកបោសសំរាម ជនអនាថា និងពូៗអ្នកធាក់ស៉ីក្លូ ដែលដេកសំរាកក្រោមសំយាបផ្ទះគេ ដែលជាកន្លែងស្នាក់អាស្រ័យរៀងរាល់យប់នោះ ក្នុងរាជធានីភ្នំពេញយេីង ពិតជាត្រជាក់ខ្លាំងណាស់ ពួកគាត់កំពុងត្រូវការភាពកក់ក្តៅ ស្រាប់តែលោក តាំង គីមឡេង និងក្រុមការងារជាច្រេីននាក់ទៀត បាននាំយកអាវរងា និងភួយ ទៅចែកជូនពួកគាត់ទាំងយប់ នាយប់ថ្ងៃទី២ និងទី៣ ខែធ្នូ ឆ្នាំ២០២១នេះ ។
នេះជាវប្បធម៌ចែករំលែកគ្នាទៅវិញទៅមក តាមរយៈអ្នកដែលមានធនធានច្រើន ផ្តល់ឲ្យអ្នកដែលខ្វះខាត នៅក្នុងសង្គមខ្មែរតែងតែមានការសាមគ្គី ទៅតាមប្រពៃណីទំនៀមទម្លាប់ព្រះពុទ្ធសាសនា ដ៏ល្អផូរផង់របស់យើង ។
ក្រោយពីលោកធ្វើរឿងបែបនេះក៏មានមហាជនជាច្រើនកោតសរសើរនូវទឹកចិត្តរបស់លោក តាំង គីមឡេង ព្រមទាំងក្រុមគ្រួសារនិងក្រុមការងារ និងមានការជូនពរលោកជាច្រើនចំពោះទឹកចិត្តសប្បុរសធម៌របស់លោក ដែលជារើយៗលោកតែងតែដឹកនាំក្រុមការងារ ចុះចែកដល់កុមាកំព្រា ចាស់ជរា តាស៊ីក្លូ និងជនទុគតដទៃទៀតផងដែរ ៕ (បងម៉េង)
