ឡានក្រឡុកសុីម៉ង់ត៍ និងឡានលាយបេតុង ឈប់ចតកណ្ដាលផ្លូវបេតុងព្រែកប្រាំង ជិតវត្តនិរោធ បង្កការកកស្ទះ ខណៈចរាចរណ៍កំពុងមមាញឹក មហាជនធ្វេីដំណេីរឆ្លងកាត់នេះ ស្នេីរដល់អាជ្ញាធរខណ្ឌច្បារអំពៅ ជួយចុះពិនិត្យមើលផង!
រាជធានីភ្នំពេញ ៖ ឡានក្រឡុកសុីម៉ង់ត៍និងរថយន្តបាញ់បេតុងធុនធំ ឈប់ចតកណ្ដាលផ្លូវបេតុងព្រែកប្រាំង នៅជិតវត្តនិរោធ ក្នុងសង្កាត់និរោធទាំងព្រឹក បង្កការកកស្ទះ ខណៈចរាចរណ៍កំពុងមមាញឹក ធ្វេីឲ្យមហាជនដែលធ្វេីដំណេីរឆ្លងកាត់ចំណុចនេះ ស្នេីរដល់អាជ្ញាធរខណ្ឌច្បារអំពៅ គួរចុះពិនិត្យមើលផង ពិសេសលោកអភិបាលរងខណ្ឌទទួលបន្ទុកការងារសំណង់ ។
បេីយោងតាមហ្វេសប៊ុកឈ្មោះ “សុវណ្ណ សិរីរតនៈ” ដែលក្រុមការងារ “សារព័ត៌មាន ហង្សតូច” ដកស្រង់បន្តបន្ទាប់ពីបានបង្ហោះទាំងព្រឹកដែលមានខ្លឹមសារទាំងស្រុងថា “០៣-១២-២០២១ មហាជនទូទៅដែលពួកគាត់ធ្វើដំណើរឆ្លងកាត់មុខការដ្ឋានសំណង់បាននិយាយថា រដ្ឋបាលខណ្ឌច្បារអំពៅ រាជធានីភ្នំពេញ មិនគួអនុញ្ញាតអោយឡានក្រឡុកសុីម៉ង់ត៍ មកឈប់ចតកណ្ដាលផ្លូវបេតុងព្រែកប្រាំង នៅជិតវត្តនិរោធទាំងព្រឹកដូចនេះទេ វាបង្កការស្ទះចរាចរណ៍ទាំងព្រឹកហ្មង ខណៈចរាចរណ៍កំពង់មមាញឹក។
ដូចនេះគួរចុះមើលផងពិសេសលោកអភិបាលរងខណ្ឌទទួលបន្ទុកការងារសំណង់” ៕ សារព័ត៌មានហង្សតូច
