ខឹងម្ដាយ មិនព្រមទិញម៉ូតូនិងដណ្ដឹងប្រពន្ធឲ្យ វាយបំផ្លាញទ្រព្យសម្បត្តិ

ស្វាយរៀង៖ នៅថ្ងៃទី១៩ខែសីហាឆ្នាំ២០២១ ស្ថិតភូមិជីកដី ឃុំអណ្តូងត្របែកស្រុករមាសហែក ខេត្តស្វាយរៀងប៉ូលិសបាន ឃាត់ខ្លួនជនសង្ស័យបុរសម្នាក់ ខណ:ដែលខឹងម្ដាយមិនព្រមទិញម៉ូតូនិងដណ្ដឹងប្រពន្ធអោយបានប្រើហឹង្សាដោយវាយបំផ្លាញទ្រព្យសម្បត្តិបង្កការភ្ញាក់ផ្អើលតែម្ដង។

ជនសង្ស័យដែលឃាត់ខ្លួនមានឈ្មោះគោយ ស៊ីហា ហៅប៉ោក អាយុ ៣៣ ឆ្នាំជនជាតិខ្មែរមុខរបរកសិករ មានម្ដាយឈ្មោះម៉ម អាយុ៦៥មុខរបរកសិករ រស់ក្នុងភូមិជីកដី ឃុំអណ្តូងត្របែកស្រុករមាសហែក ខេត្តស្វាយរៀង។

ករណីអំពើហឹង្សាក្នុងគ្រួសារមួយកើតឡើត នៅត្រង់ចំណុចផ្ទះ៤០០ខ្នងដំបូលខៀវ ស្ថិតភូមិជីកដីឃុំអណ្តូងត្របែក ស្រុករមាសហែក ខេត្តស្វាយរៀង បង្កឡើងជនសង្ស័យជាកូនប្រុស បានយកចបកាប់វាយជណ្តើរផ្ទះ បណ្តាលអោយមានការខូតខាត ដោយសារខឹងម្តាយបង្កើតមិនទិញម៉ូតូនិង ដណ្តឹងប្រពន្ធអោយ។

កំលាំងសមត្ថកិច្ចបានមកអន្តរាគមន៍និងបានឃាត់ខ្លួនមកសាកសួរតែម្ដង ៕