ឯកឧត្តម ដួង តារា ហាក់សម្ដែងអារម្មណ៍ សោកស្ដាយ និងបារម្ភពីសុវត្ថិភាពផ្ទាល់ខ្លួន ដោយសារតែ…
ភ្នំពេញ ៖កាលពីវេលាយប់រំលងអាធ្រាត្រឈានចូលថ្ងៃទី១៣ ខែមករា ឆ្នាំ២០២១ ចោរថ្លើមធំ ពាក់ម៉ាស់ធ្វើសកម្មភាព ចូលកាច់កញ្ចក់រថយន្ត និងវាយបំបែកកញ្ចក់រថយន្តឯកឧត្តម ដួង តារា អនុរដ្ឋលេខាធិការនៃទីស្ដីការគណៈរដ្ឋមន្ត្រី និងជាជំនួយការផ្ទាល់ សម្តេចតេជោ បានបង្ហោះតាមរយះគណនេយ្យហ្វេសប៊ុកផ្ទាល់ខ្លួនរបស់លោកថា:
<<លេីកទី២ហេីយដែលចោរមកបំផ្លាញដល់ផ្ទះភ្ញាក់ពីគេងឃេីញរថយន្តត្រូវបានបំផ្លាញដោយចោរ ពិតគួរអោយសោកស្តាយយ៉ាងខ្លាំង។
ខ្ញុំសារកាមេរ៉ាមេីយប់មិញរវាងម៉ោង១:៣០នាទីយប់ មានចោរពាក់ម៉ាស់ បានមកលួចកាត់កញ្ចក់ឡានខ្ញុំទាំងសង្ខាង ហេីយយកដុំថ្មបំបែកកញ្ចក់ឡានខាងស្តាំដែលចតនៅមុខផ្ទះដែលខ្ញុំកំពុងរស់នៅសព្វថ្ងៃ។ កាលពីខ្ញុំមកនៅទីនេះដំបូងក៏ធ្លាប់មានចោរចូលពីលេីដំបូលផ្ទះមកក្នុងផ្ទះ។ គួរអោយសោកស្តាយចំពោះអ្វីដែលបានកេីតឡេីងសម្រាប់ខ្ញុំ ខ្ញុំពិតជាមានការបារម្ភចំពោះសុវត្ថិភាពរស់នៅ>>។
សូមញ្ជាក់ថា មួយរយះពេលចុងក្រោយនេះ គេសង្កេតឃេីញ ឯកឧត្តម ដួង តារា រួមនិងក្រុមការងារ របស់លោកតែងតែធ្វេីសកម្មភាពចុះតាមមូលដ្ឋាននានា ដេីម្បីធ្វេីការដោះស្រាយបញ្ហាផ្សេងៗជាច្រេីន មានដូចជា ទំនាស់ដីធ្លីរ៉ាំរ៉ៃជាដេីម។ល។ ជូនបងប្អូនប្រជាពលរដ្ឋបានដោយជោគជ័យ ស្របពេលដែលប្រជាពលរដ្ឋជាច្រេីនបានសាទរ និងរីករាយឥតឧបមាក្នុងសកម្មភាពដ៏ប្រពៃរបស់លោកក្នុងការដោះស្រាយជូនពួកគាត់។
