កម្លាំងនគរបាលប៉ុស្តិ៍ស្ទឹងមានជ័យទី១ ស្រាវជ្រាវឃាត់ខ្លួនជនសង្ស័យ ឆក់យកទូរស័ព្ទដៃនារីម្នាក់

ភ្នំពេញ៖ ថ្ងៃទី ១៦ ខែ វិច្ឆិកា ឆ្នាំ ២០២០ វេលាម៉ោង១២ និង២០នាទី នៅចំណុចក្រោមស្ពានអាកាសស្ទឹងមាន ជ័យ ផ្លូវ មុនី្នរ៉េត ភូមិ មានជ័យ១ សង្កាត់ ស្ទឹងមាន ជ័យទី១ ខណ្ឌ មានជ័យ រាជធានីភ្នំពេញ ។
ជនសង្ស័យឈ្មោះ ជា ចយ ភេទ ប្រុស អាយុ ៣៥ ឆ្នាំ ជនជាតិ ខ្មែរ ទីលំនៅមិនពិតប្រាកដ មុខរបរ រើសអេត ចាយ (ឃាត់ខ្លួន មានផ្ទុកសារធាតុញៀន) ។
ជនរងគ្រោះឈ្មោះ គីម ចាន់ណា ភេទ ស្រី អាយុ ២០ ឆ្នាំ ជនជាតិ ខ្មែរ ទីលំនៅផ្ទះជួល ផ្លូវ បេតុង ភូមិ ទួលពង្រ សង្កាត់ ចោមចៅទី១ ខណ្ឌ ពោធិ៍សែនជ័យ រាជធានីភ្នំពេញ មុខរបរ បុគ្គលិកក្រុមហ៊ុនអាយ អេហ្វអាយ ។ 

វត្ថុតាងចាប់យក ៖ទូរស័ព្ទដៃម៉ាកអាយហ្វូនសេវេនផ្លើស ពណ៍ស ចំនួន០១គ្រឿង (ជារបស់ជនរងគ្រោះ )និង ដែកមុខស្រួចចំនួន០៣ដើម,សោរទីបលេខ ៨ចំនួន ០១ដើម,កូនសោរម៉ូតូចំនួន០១ (ជារបស់ជនសង្ស័យ) ។

សូមបញ្ជាក់ថាហេតុការណ៍នេះ កាលពីថ្ងៃទី ១៦ ខែ វិច្ឆិកា ឆ្នាំ ២០២០ វេលាម៉ោង១២និង២០នាទី នៅចំណុចក្រោមស្ពានអាកាសស្ទឹងមានជ័យ ផ្លូវ មុនី្នរ៉េត ភូមិ មានជ័យ១ សង្កាត់ ស្ទឹងមានជ័យទី១ ខណ្ឌ មានជ័យ រាជធានីភ្នំពេញ(ចំណុចកើតហេតុ) ជនរងគ្រោះឈ្មោះ គីម ចាន់ណា ភេទ ស្រី អាយុ ២០ ឆ្នាំ បានយកទូរស័ព្ទដៃម៉ាកអាយហ្វូនសេវេនផ្លើស ពណ៍ស ស៊ីមកាតលេខ ០១៥ ៥៤២៩៥៨ ឈរនិយាយជាមួយមិត្តភក្កិ ពេលនោះជនសង្ស័យឈ្មោះ ជា ចយ ភេទ ប្រុស អាយុ ៣៥ ឆ្នាំ បានដើរមកធ្វើសកម្មភាពឆក់យកទូរស័ព្ទដៃអាយហ្វូនសេវេនផ្លើស ពណ៍ស របស់ជនរងគ្រោះឈ្មោះ គីម ចាន់ណា រត់គេចខ្លួនបាត់ ហើយជនរងគ្រោះឈ្មោះ គីម ចាន់ណា បានមកដាក់ពាក្យបណ្តឹងនៅស្នាក់ការនគរបាលប៉ុស្តិ៍ស្ទឹងមានជ័យទី១ឲ្យស្រាវជ្រាវរក ។ លុះមកដល់វេលាម៉ោង០០និង៣០នាទីរំលងអាធ្រាត្រ ថ្ងៃទី ១៧ ខែ វិច្ឆិកា ឆ្នាំ ២០២០ កម្លាំងផ្នែកអន្តរាគមន៍នៃអធិការដ្ឋាននគរបាលខណ្ឌមានជ័យ និង កម្លាំងនគរបាលប៉ុស្តិ៍ស្ទឹងមានជ័យទី១ បានស្រាវ ជ្រាវឃាត់ខ្លួនជនសង្ស័យឈ្មោះ ជា ចយ នៅចំណុចផ្លូវបេតុង ភូមិ មានជ័យ សង្កាត់ ស្ទឹងមានជ័យ ទី១ ខណ្ឌមានជ័យ យកមកសាកសួរនៅស្នាក់ការនគរបាលប៉ុស្តិ៍ស្ទឹងមានជ័យទី១ចាត់ការតាមនីតិវិធីតែម្តង ។

បច្ចុប្បន្នជនសង្ស័យឈ្មោះ ជា ចយ ឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី ។