ជនសង្ស័យ២នាក់ត្រូវសមត្ថកិច្ចស្រុកកោះធំធ្វើការឃាត់ខ្លួនករណីគ្រឿង ញៀន

ខេត្តកណ្តាល៖ ថ្ងៃទី១៥ ខែវិច្ចិកាឆ្នាំ២០២០ វេលាម៉ោង១១និង២៥នាទីនៅត្រង់ចំណុចភូមិខ្នាតាំងយូត្បូង ឃុំព្រែកជ្រៃ ស្រុកកោះធំ ខេត្តកណ្តាល។
ជនសង្ស័យ០២នាក់
១/ឈ្មោះ ង្វៀង យ៊ាំងហោ ភេទប្រុស អាយុ២២ឆ្នាំជនជាតិវៀតណាម
ភូមិប៉ាក់ណាមឃុំព្រែកជ្រៃ ស្រុកកោះធំ ខេត្តកណ្តាល។
មុខរបរ:កសិករ
២/ឈ្មោះ វី ធឿង ភេទប្រុស អាយុ៣០ឆ្នាំជនជាតិវៀតណាម
រស់នៅភូមិខ្នាតាំងយូត្បូងឃុំព្រែកជ្រៃ ស្រុកកោះធំ ខេត្តកណ្តាលមុខរបរកសិករ។
ចំពោះវត្ថុតាងចាប់យកមាន
១/ម្សៅក្រាមសថ្លា សង្ស័យជាសារធាតុញៀនម៉ាទឹកកកចំនួន០១កញ្ចប់ធំ។
២/ទូរសព្ទ័ដៃចំនួន០១គ្រឿង
៣/ម៉ូតូម៉ាកហុងដា វ៉េវ ពណ៌ស្លែរ មានស្លាកលេខ 67-H6 4927 ចំនួន០១គ្រឿង។
៤/នាឡិការដៃចំនួន០១គ្រឿង។
សមត្ថកិច្ចបានឲ្យដឹងថាៈ កាលពីថ្ងៃទី១៥ ខែវិច្ចកា ឆ្នាំ២០២០ វេលាម៉ោង១១និង២៥នាទី កម្លាំងប៉ុស្តិ៍នគរបាលរដ្ឋបាលព្រែកជ្រៃ បានចុះល្បាតនៅតាមភូមិសាស្រ្តក្នុងឃុំព្រែកជ្រៃក៍បានជួបនឹងមុខសញ្ញាឈ្មោះង្វៀងយ៊ាំហោ ភេទប្រុសអាយុ២២ឆ្នាំជនជាតិវៀតណាមរស់នៅភូមិខ្នាតាំងយូត្បូង ឃុំព្រែកជ្រៃដែលជាមុខសញ្ញាប្រើប្រាស់ជក់ថ្នាំញៀនយ៉ាងសកម្ម នៅពេលនោះកម្លាំងសមត្ថកិច្ចយើងបានហៅឃាត់អោយឈប់រួចបានធ្វើការឆែកឆេររកឃើញមានលាក់ទុកថ្នាំញៀនម៉ាទឹកកកចំនួន០១កញ្ចប់ធំ ដែលខ្លួនទើបបានទៅទិញជាមួយនឹងមិត្តភ័ក្រ្តឈ្មោះវីធឿង ភេទប្រុស អាយុ៣០ឆ្នាំជនជាតិវៀតរស់នៅភូមិឃុំជាមួយគ្នា។
ដោយបានទិញថ្នាំញៀនម៉ាទឹកកក០១កញ្ចប់ធំនេះក្នុងតម្លៃ៦០មុឺនដុង(ប្រាក់វៀតណាម)ទិញពីអ្នកលក់ថ្នាំញៀនម្នាក់ដែលមានឈ្មោះ រ៉ាន់ ភេទប្រុស អាយុ៣០ឆ្នាំជនជាតិខ្មែរនៅចំណុចចំការស្វាយភូមិចុងខ្សាច់ ឃុំឈើខ្មៅស្រុកកោះធំ ។
ក្រោយពេលទិញបានថ្នាំញៀនរួចបានត្រឡប់មកវិញក៍ត្រូវបានសមត្ថកិច្ចនគរបាលចាប់ឃាត់ខ្លួនរួមជាមួយនឹងថ្នាំញៀនម៉ាទឹកកកចំនួន០១កញ្ចប់ដែលទើបនឹងទិញមកនេះ។
ចំពោះជនសង្ស័យនិងវត្ថុតាងត្រូវបានសមត្ថកិច្ចស្រុកកោះធំកសាងសំណុំរឿងបញ្ចូនខ្លួនទៅតុលាការចាត់ការតាមនីតិវិធី។