បុរសជាឪពុក និងកូនប្រុសម្នាក់បានលង់ទឹកស្លាប់ក្នុងពេលដែលអ្នកទាំងពីរចុះទៅដោះមង
ខេត្តបាត់ដំបង៖ ករណីលង់ទឹកស្លាប់២នាក់ឪពុកនឹងកូន នៅថ្ងៃទី ៥ ខែវិច្ឆិកា ឆ្នាំ ២០២០ នៅចំណុចអន្លង់ត្រាំង ស្ថិតក្នុងក្រុមទី ១១ ភូមិស្រែស្តៅ ឃុំមានជយ័ ស្រុកសំឡូត ខេត្តបាត់ដំបង មានការភ្ញាក់ផ្អើលមួយដោយសារបុរសជាឪពុក និងកូនប្រុសម្នាក់បានលង់ទឹកស្លាប់ក្នុងពេលដែលអ្នកទាំងពីរចុះទៅដោះមងក្នុងទឹក ស្ថិតនៅចំណុចកើតហេតុខាងលើសាកសពបុរសជាឪពុកឈ្មោះ ស៊ី សំអូន អាយុ ៥៨ឆ្នាំ រស់នៅក្រុមទី៩ ភូមិស្រែជីពៅ ឃុំមានជ័យ ស្រុកសំឡូតនិងសាកសពកូនប្រុសរបស់គាត់ឈ្មោះ ស៊ី សុភាបុត្រ អាយុ ១៤ឆ្នាំ ពីរនាក់ឪពុក តែងតែយកមងទៅដាក់ចាប់ត្រីនៅក្នុងទឹកនោះនាពេលល្ងាច ហើយពេលព្រឹកព្រលឹម ទាំងពីរនាក់តែងតែបានចេញពីផ្ទះទៅដោះមងដែលដាក់ពីល្ងាច ប៉ុន្តែនៅព្រឹកថ្ងៃទី០៥ ខែ វិច្ឆិកាឆ្នាំ ២០២០នេះ ទាំងពីរនាក់ឪពុកនិងកូន ចេញពីផ្ទះទៅដោះមង ជាធម្មតា តែដោយសារលើកនេះចេញទៅបាត់យូរមិនឃើញវិលត្រឡប់មកផ្ទះវិញ ទើបប្រពន្ធរបស់គាត់ឈ្មោះ សេង សុភា អាយុ ៥២ឆ្នាំ កើតការសង័្សយក៏តាមទៅរកនៅចំណុចអន្លង់ត្រាំងនោះ តែមិនបានឃើញមនុស្សនោះទេ គឺឃើញតែម៉ូតូនិងសម្លៀកបំពាក់នៅទីនោះ បន្ទាប់មកគាត់បានប្តឹងមកសមត្ថកិច្ចនគរបាលស្រុកសំឡូត ឱ្យដឹងអំពីរឿងនេះ ហើយលោកអធិការនគរបាលស្រុក បានចាត់តាំងកម្លាំងទៅដល់ចំណុចនោះ ចុះក្នុងទឹករាវរក ទើបបានប្រទះឃើញបុរសជាឪពុក និងកូន បានស្លាប់បាត់បង់ជីវិតនៅក្នុងទឹកនោះបាត់ទៅហើយ ។
