អាជ្ញាធរខណ្ឌមានជ័យ ដឹកនាំ ចុះដាំកូនឈើ (ធ្នង់) ៥១២ដើម តាមបណ្តោយមហាវិថីសម្តេចតេជោ ហ៊ុន សែន (ផ្លូវ៦០ម៉ែត្រ)
រាជធានីភ្នំពេញ ៖ ដោយបានមតិដឹកនាំពីឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ នឹងលោក ពេជ្រ កែវមុនី អភិបាលខណ្ឌមានជ័យ នៅម៉ោង០៧:៣០នាទីព្រឹក ថ្ងៃចន្ទ ១២កើត ខែកត្កិក ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៩ ខែវិច្ឆិកា ឆ្នាំ២០១៨នេះ លោក ឡុង ង៉ែត អភិបាលរងខណ្ឌមានជ័យ និងលោក ជា សុខៃ ចៅសង្កាត់ចាក់អង្រែក្រោម បានដឹកនាំយុវជនសហភាពសហព័ន្ធយុវជនកម្ពុជាសង្កាត់ សិស្សានុសិស្សវិទ្យាល័យហ៊ុនសែនចាក់អង្រែ និងកម្លាំងសណ្តាប់ធ្នាប់ខណ្ឌមានជ័យ សហការជាមួយមន្ត្រីរដ្ឋបាលព្រៃឈើ និងមន្ត្រីមន្ទីរកសិកម្ម បានចុះដាំកូនឈើ (ប្រភេទធ្នង់) ចំនួន ៥១២ដើម តាមបណ្តោយមហាវិថីសម្តេចអគ្គមហាសេនាបតីតេជោ ហ៊ុន សែន (ផ្លូវ៦០ម៉ែត្រ) ដែលស្ថិតក្នុងសង្កាត់ចាក់អង្រែលើ និងសង្កាត់ចាក់អង្រែក្រោម ៕ (ម៉េង)
